ရင်ထဲကစကားတွေ

ကြည့်လိုက်ရင် ပြုံးရွှင်ပီး
တက်ကြွနေတဲ့ မျက်နှာကလေးနဲ့
လူတိုင်းကို အဆင်ပြေအောင်
ပေါင်းနိုင်သူလို့ ပြောကြတယ်။

မိဘကပြစ်ထား
မောင်နှစ်မတစ်တွေက ဖယ်ကြဉ်
အားလုံးနဲ့ အဆက်အသွယ်ပြတ်
ကြာခဲ့ဘီ နှစ်ပေါင်းများစွာ။

လောကမှာ ကြည့်လိုက်ရင်
တစ်ယောက်ဟာ ထာဝရ
ရှိသေးတယ်ဆိုတဲ့ အသိနဲ့
အားတက်ခဲ့ရ။

"အရင်က အကြောင်းတွေကို
လုံးဝ မမှတ်မိတော့ဘူး" တဲ့
ထွက်သွားတဲ့ စကားတစ်ခွန်း
ရင်ထဲမှာ ဗလာဖြစ်စေခဲ့။

လောကမှာတစ်ယောက်ထဲ
အားတင်းခါ နေခဲ့ရ
ဘေးနားမှာ ဘယ်သူမှမရှိ
ပျော်ရွှင်၊ ၀မ်းနည်း၊ ကြည်နူးမှုတွေကို
ဘယ်သူနဲ့ မျှဝေရပါ့။

ရင်ထဲမှာရှိသလောက်
ဖွင့်ဟကာ ဟစ်ချင်သော်လဲ
ပြောချင်တိုင်းပြောလို့မရတဲ့
အထီးကျန်တဲ့ ငါ့ဘ၀။

သူငယ်ချင်းတို့ရေ မကြီးစုထားတဲ့ ဓါတ်ပုံတွေထဲက ရေနေ သတ္တ၀ါတွေနှင့် ငါးအမျိုးမျိုး တို့ကို တင်ပေး လိုက်တယ် တစ်ချို့လည်း လှတယ် တစ်ချို့လည်း ကြည့်ရတာ အဆင်မပြေဘူး ဒါဟာ လူအပါအ၀င် သတ္တ၀ါ အမျိုးမျိုးမှာ ရှိနေတဲ့ ဘ၀ပေး အခြေအနေတွေလေ။ ဘယ်တော့မှ ပြုပြင်ပြောင်းလဲလို့ မရတဲ့ သဘာဝ တွေပါ။ သဘာဝ တရားကြီးကို ကျေကျေနပ်နပ် လက်ခံလိုက်ရင် အားလုံးဟာ အဆင်ပြေ သွားလိမ့်မယ်လို့ မကြီး ထင်တယ်လေ သူငယ်ချင်းတို့ရော ????????????????????

ဘာအရောက်ကြိုက်လဲ

BLUE

You give your love and friendship unconditionally. You enjoy long, thoughtful conversations rich in philosophy and spirituality. You are very loyal and intuitive.

Find out your color at QuizMeme.com!

သူငယ်ချင်းတို့ရေ မကြီးပါချူးက အပြာရောင် ကြိုက်ပါတယ်တဲ့၊ ဟုတ်ပါတယ် ကွယ် မကြီး ငယ်ငယ် ကတည်းက ကြိုက်ခဲ့တဲ့ အရောင်ဟာ အပြာရောင် ပါ။ ကိုယ့်စိတ်ထဲမှာ ကြည်ပီး အေးမြသွားတယ်လို့ ထင်လိုက်ရတယ်။ ကြိုက်လည်း တစ်ကယ်ကြိုက်တယ်။ သူငယ်ချင်းတို့ရော ဘာအရောင် ကြိုက်လဲဟင် သိချင်ဘူးလား........

ံHAPPY NEW YEAR

Send this eCard !

Send this eCard !

နောက်နေ့ မနက် (၄)နာရီမှာ မကြီးအိပ်ရာကထပီး ဘုရားကို ဆွမ်း၊ ပန်း၊ ရေချမ်း၊ ဆီမီး၊ အမွေးတိုင်ကပ်ပီး သံဗုဒ္ဓေကို ပုတီး (၃)ပတ်စိတ်ပီး ပူဇော်နေမိတယ်၊ မကြီးရဲ့စိတ်ထဲမှာ ပဌာန်းရွတ်ပီးပူဇောချင်မိတယ် ဒါပေမဲ့ ပဌာန်းအကျယ်ကို မကြီးမရဘူးဖြစ်နေတယ်၊ပါဠိအတိုကလေးဘဲရွတ်နေမိတယ်တိုက်တိုက်ဆိုင်ဆိုင် မကြီး ဘေးနားက လူတစ်ယောက်က ပဌာန်းအကျယ်ရွတ်နေတယ် မကြီးလည်း ဘာရမလဲ ကော်ပီယူတော့တာပေါ့ ဟဲ ဟဲ ( copy, paste က computer သမားတိုင်း တတ်တယ်လေ၊ တတ်သည့် ပညာမနေသာပေါ့ဟာ)၊ နောက်မှမိသားတစ်စုနှင့် အမှတ်တရ ဓါတ်ပုံတွေရိုက်ကြနဲ့ ပျော်ကြရတယ်။

နေ့လည် (၁၁)နာရီလောက်မှ ကားနှင့် တောက်လျှောက် ကင်ပွန်းစခန်းထိ ပြန်ဆင်းလာကြတယ်။ နောက်မှ ကိုယ့်ကားနှင့် ချိန်းပီး ပဲခူးကိုပြန်လာတာ လမ်းတစ်လျှောက်မှာ အတွေအကြုံတွေပြန်ပြောကြ၊ ပြောင်နောက် အော်ဟစ်နေကြတဲ့ ပျော်စရာခရီးစဉ်ကလေးပါ။

ဘုရားမှာ ရွှေသင်္ကန်းကပ် အာရုဏ်ပြု၊ ဘုရားရှိခိုး၊ ပုတီးစိပ် ရင်ထဲမှာ တော်တော်လေး အေးချမ်းသွားတယ်။

ပျော်မြူးနေကြတဲ့ ကလေးတစ်စု

ကျိုက်ထီးရိုးကိုရောက်တော့ ဘုရားကို မြင်နေရပေမဲ့ စိတ်ထဲကနေဘဲ အာရုဏ်ပြုနိုင်တယ်။ နေဘို့ရာ အစီစဉ်ချရ၊ တည်းခိုခန်းမှာ မိသားစုအခန်းတွေ ယူရနဲ့ အလုပ်တွေရှုတ်နေကြတယ်။ နေ့လည် (၂)နာရီလောက် ရှိဘီ ဗိုက်တွေ ကလည်းဆာနေကြဘီလေ။ ထမင်းကို အသုတ်လိုက်ခွဲပီးစားကြရတယ်။

ရေမြောင်ကြီးကို ရောက်တော့ ခဏနားကြရသေးတယ်။ အပေါ်ကကားတွေ ဆင်းလာမှ အောက်ကားတွေက တက်ကြရတယ်၊ မကြီးတို့လူကြီးတစ်သိုက် ကတော့ ကားပေါ်ကနေ မဆင်းတော့ဘူး၊ ဒါပေမဲ့ ကလေးတွေ ကတော့ ကားပေါ်ကနေ ဆင်းပီး ရေမြောင်ကြီးမှာ သွားဆော့ကြ၊ ဓါတ်ပုံရိုက်ကြ လုပ်ကြတယ်။ နာရီဝက်လောက်နေပီး ကားတွေ တောင်ပေါ်တက်လို့ရတယ် မတ်စောက်နေတဲ့ လမ်းတွေများပီး ကွေ့တွေ ကလည်း တော်တော်များတယ်။ ကျွမ်းကျင်တဲ့ ကားသမားနဲ့ စက်အင်ဂျင်ကောင်းတဲ့ ကားကြောင့်သာ ဘေးမသီရန်မခဘဲ ဘုရားးကို ရောက်ရတယ်။ ကားက ကွေ့တစ်ခုကွေ့ပီး အပေါ်တစ်ခုတက်ပီဆိုရင်ဘဲ ကြောက်တတ်တဲ့ တူမလေး စုပုံချစ်ရဲ့ အသံသေးသေးလေးလုပ်ပီး အော်သံတွေကြောင့် ပျော်ခဲ့ကြရ သေးတယ်။

ပဲခူးအိမ်ကအဖွဲ့တွေနဲ့ မကြီး ကျိုက်ထီးရိုးဘုရားကို သွားဖူးဖြစ်တယ်။ ဦးလေး၊ အန်တီ၊ ညီမတွေ၊ မတ်တွေ၊ တူ၊ တူမတစ်တွေ စုစုပေါင်း (၁၈)ယောက်ရှိတယ်။ တစ်ပျော်တစ်ပါးကြီးဘဲ၊ ပဲခူးအိမ်ကနေ မနက် ၃ နာရီထပီး အိတ်တွေထဲ အ၀တ်တွေထဲ့ စောင်တွေထဲ့၊ တစ်ချို့က စားစရာ ထမင်း၊ ရေ၊ အကြော်အလှော်၊ လဘက်၊ မုန့်၊ လိမ္မော်သီးထဲ့နဲ့ ရှုတ်ရှက်ခတ်နေတာဘဲ၊ ကလေးတွေကလည်း သွားရမယ် ဆိုပီး ပျော်လွန်းလို့ ခုန်ပေါက်နေတာ တွေကို လိုက်ထိမ်းနေရ သေးတယ်။ အိမ်ရှိလူကုန် ထွက်တာဆိုတော့ အိမ်စောင့်ထားခဲ့ ရမဲ့သူကိုလည်း ကားနဲ့ သွားခေါ်ရသေးတယ် အလုပ်တွေကို လူကုန်ရှုတ်နေတာဘဲ။ ဒီအထဲက တူမလေး (၂) ယောက်က နေမကောင်း လို့ မလိုက်ရဘူး သူ့အမေနဲ့ နေခဲ့ရသေးတယ်။

မနက် (၇)နာရီမှာ အိမ်ကနေကားထွက်ဖြစ်တယ်၊ ဦးဦး၊ အန်တီ၊ ညီမမိသားစု၊ မတ်လေးတစ်ယောက်က ကားတစ်စီး၊ မကြီးနှင့် ကျန်တဲ့ ညီမတွေ၊ တူ၊ တူမတွေ မတ်တွေနဲ့က ကားတစ်စီး ထွက်ကြတယ်၊ မကြီးတို့ကားက ကလေးတွေချည်းဘဲ ဆိုတော့ ပျော်စရာတော်တော် ကောင်းတယ်။ ဗိုက်ဆာလို့အော်နေကြတာနဲ့ ဝေါရောက် တော့ ဆိုင်တစ်ခုမှာဝင်ပီး ဗိုက်ဖြည့် ကြတယ်။ ၀က်ဝက်ကွဲဘဲ တစ်ယောက်တစ်မျိုးမက နှစ်မျိုးလောက်ဆိုတော့ ဆိုင်အလုပ်သမားကလေး တွေတောင် မျက်စေ့လည်ကြတယ်။

ကင်မွန်းစခန်းကို ရောက်တော့ (၁၁)နာရီထိုးနေဘီလေ။ နေပူနေတာနဲ့ ဘယ်သူမှ ခြေလျှင်မတက်နိုင်ကြတော့ဘူး ကားနဲ့ ကျိုက်ထီးရိုးရင်ပြင်ပေါ်ထိတက် ကြတယ်။

သစ္စာအတွက်

သစ္စာရေ မွေးနေ့အတွက် လက်ဆောင်ကလေးပါ။

ဒီဇင်္ဘာလ (၁၅)ရက်နေ့မှာ ကျရောက်သော မွေးနေ့မှသည် နှစ်စဉ်နှစ်တိုင်း ပျော်ရွှင်သောမွေးနေ့ပေါင်း များစွာကို ပိုင်ဆိုင်နိုင်ပါစေ။
နှုတ်မှဖွင့်ဟ တောင်းသောဆု၊ ရင်ထဲမှာဘဲကြိတ်ပီး တိတ်တိတ်ကလေး တောင်းနေသောဆု အားလုံး တစ်လုံးတစ်ဝတည်း ပြည့်စုံပါစေရှင်။

ကောင်းတမန်ရဲ့ မွေးနေ့ပွဲမှာ မေ့သွားတာ တစ်ခုရှိတယ် သူဘယ်နှနှစ်ပြည့်တာလဲဆိုတာ မသိလိုက်တာဘဲ.. ဒါပေမဲ့ ဦးကြီးကောင်းတမန်ရေ နောင်အနှစ် ၁၂၀တိုင် ဘဘကြီးကောင်းတမန် ဖြစ်တဲ့အထိ နှစ်စဉ်နှစ်တိုင်း မွေးနေ့ပွဲကို ပျော်ရွှင်စွာ ကျင်းပနိုင်ပါစေ၊ ကိုယ်၊ စိတ်၊ နှလုံး ရွှင်လန်းချမ်းမြေ့ပါစေ။

ကောင်းတမန်လည်းမောသွားတယ်..လက်ကလေးဘဲပြ နိုင်တော့တယ် အားလုံးကိုနှုတ်ဆက်ပါတယ်

ကြိုက်တဲ့အသီးအနှံတွေ ယူစားကြတော့နော် အဆောင်ပြန်ရင်လည်း ယူသွားကြဦး ကြွပ်ကြွပ်အိတ်ကအဆင်သင့်ဘဲ

စားကြရအောင်

မကြီး အုန်းထမင်းချက်ထားတယ်၊ ကြက်ကင်နဲ့စားရအောင်လေ၊ ကောင်းတမန်၊ ခိုင်မြဲ၊ အနတ္တ၊ ကိုကြီးကျော်၊ အိမ်မက်စိ်မ်း၊ ရွှေအိမ်စည်၊ အရိပ်၊ သနပ်ခါး၊ aung myo thant sin
ချစ်သူမေ၊ mym(ရဲလေး)၊ jasmine၊ peace၊ အိမ်ချစ်
စားပီးမှ သွားကြနော်၊ အရိပ်ရေ မကြီးကို ကူပါဦး

အားလုံးမောနေကြဘီ ကော်ဖီသောက်မှာလား အအေးသောက်မှာလား

ပျော်နေကြတဲ့သူငယ်ချင်းတစ်စု

သူငယ်ချင်းအားလုံး တစ်ပျော်တစ်ပါး စားနေကြတယ် (အော်.....မလုနဲ့လို့ ပြောနေတယ်လေ)

birthday ကိတ်ကို ကောင်းတမန်လှီးနေပါတယ်

သူငယ်ချင်းများရဲ့ ဆုတောင်းသံ

ကဲ........ မွေးနေ့ပွဲကလေး လုပ်လိုက်ရအောင်ဟေ့ ကောင်းတမန်ရေ လာလေ ဖယောင်းတိုင်မီး မှုတ်တော့ဟ

မွေးနေ့ရှင်ရေ မွေးနေ့ကိတ်ကလေးမှာ ဖယောင်းတိုင် ထွန်းလိုက်ပီနော်

သူငယ်ချင်းရေ အဲဒီမှာမထိုင်နဲ့ လာ လာ ဒီမှာနေရာရှိတယ်ဟ

အထဲကို ၀င်လိုက်ရင်ဘဲ ဒီရုပ်ထုကလေးကနေ ကြိုဆိုနေပါတယ်

ုအနတ္တကလည်း ၀င်ပေါက်ဝမှာ ကြိုဆိုနေပါတယ် (ပုံကသေးတာမဟုတ်ပါ လူကိုကသေးလို့ပါ)

သူငယ်ချင်းတစ်တွေ မွေးနေ့ပွဲကို အပြေးလာနေကြပါဘီ

ဒီဇင်ဘာလ မွေးနေ့ရှင် အားလုံးအတွက်

စိတ်မီးအိမ်မောင်နှစ်မတွေမှာ ဒီဇင်္ဘာလထဲ မွေးနေ့ရှင်က ထူးထူးခြားခြား (၃)ဦးတောင်ဖြစ်နေတယ် ခိုင်မြဲ၊ သစ္စာ၊ ကောင်းတမန်၊ ဒါပေမဲ့ ဒီနေ့ ဒီဇင်္ဘာလ (၁၂)ရက်နေ့ မွေးနေ့ရှင်က ကောင်းတမန်လေ။ မကြီးပါချူး လည်း ပို့စ်အသစ်တင်ဖို့ဖြစ်လာတယ် သူငယ်ချင်းတွေရဲ့ မွေးနေ့မှာ သူတို့အတွက် အမှတ်တရ တင်ဖြစ်ချင်တယ် မအားတဲ့ကြားထဲက (ဟဲ.... ဟဲ အလည်ထွက်နေလို့) အသစ်တင်ဖြစ်အောင် ကြိုးစားလိုက်တယ်။

မွေးနေ့ရှင်တို့ရေ မကြီးပါချူး ဖတ်ထားတဲ့ ဆရာတော် ဦးဇောတိက (မဟာမြိုင်တောရ) စာအုပ်တစ်အုပ်ဖြစ်တဲ့ "ဘာကိုတန်ဖိုးထားရမလဲ" ဆိုတဲ့စာအုပ်ထဲက စာသားကလေးတွေကို ရေးပေးလိုက်တယ် စာလုံးတစ်လုံးချင်း ဆီမှာ အနှစ်သာရ အပြည့်အ၀ရှိတဲ့ စာသားကလေးပါ။

လူ့စိတ်ဆိုတာ ပြောင်းလဲမှု အမျိုးမျိုးရှိတယ်လေ သတိယတိုင်း ဒီစာသားလေးကို ဖတ်မိရင် သူငယ်ချင်းတို့ တစ်တွေ စိတ်ရဲ့အင်အားတစ်ခု၊ အထောက်အကူတစ်ခု ရနိုင်တယ်လို့ မကြီးပါချူးထင်တယ်

• ကိုယ့်မှာရှိနေတဲ့ အရည်အချင်းကောင်းတွေကို အရင်ကထက်ပိုပြီး ထွက်ပေါ်လာအောင်၊ ကိုယ့်ဘ၀မှာ ဖြစ်နိုင်သမျှ ကောင်းတာတွေ ဖြစ်လာအောင်၊ ပြည့်စုံလာအောင်လုပ်တာ၊ ကိုယ့်မှာရှိတဲ့ အဆင့်မြင့်တဲ့ စိတ်ထားတွေ၊ အရည်အချင်းတွေ ထွက်လာအောင် လုပ်တာဟာ ကိုယ့်တာဝန်ကိုကိုယ် ကျေပွန်အောင် လုပ်တာပါ။
• ငါ ဘာကိုတန်ဖိုးထားပြီး နေသွားနေတာလဲ၊ ငါတန်ဖိုးထားတာပေါ်မှာ ငါ့ယုံကြည်မှု ဘယ်လောက် ခိုင်မာသလဲ၊ အဲဒါပေါ်မှာမူတည်ပြီးတော့ ငါ့စိတ်၊ ငါ့အင်အား၊ ငါ့ကိုယ်ကျင့်သိက္ခာ၊ ငါ့စိတ်ရဲ့စုစည်းမှု ဆိုတာတွေ ဖြစ်လာတာ။
• ငါ ဘယ်လိုလူဖြစ်လာမလဲဆိုတာ ငါ အချိန်တိုင်း အချိန်တိုင်း ဘာတွေဆုံးဖြတ်နေသလဲ ဆိုတာပေါ် မူတည်တယ်။

သူငယ်ချင်းတို့ရေ

(၁၂-၁၂-၀၇)ရက်နေ့တွင် ကျရောက်သော ကောင်းတမန်၏ မွေးနေ့ပွဲသို့ မပျက်မကွက် ကြွရောက်ကြပါရန် ခင်မင်ရင်းနှီးစွာဖြင့် ဖိတ်ကြားအပ်ပါသည်။

အချိန် ။ ။ နံနက် (၉း၀၀)နာရီ
နေ့ရက် ။ ။ ၁၂-၁၂-၀၇ (ဗုဒ္ဓဟူး)နေ့
နေရာ ။ ။ magyi-parchuu.blogspot.com

မွေးနေ့ဖိတ်စာ ရိုက်နေတယ်

စိတ်ထဲမှာဘဲ

ပါချူး ရန်ကုန်မှာ ရွှေတိဂုံ ဘုရားကို ကုန်းတော်ပေါ်ထိတက်ပြီး မဖူးရသေးဘူး၊ ဆူးလေဘက်ကိုသွားရင်း လမ်းမ ပေါ်ကနေပီးဘဲ ဖူးနေရတယ် စိတ်ထဲမှာတော့ အရှေ့ဘက်မုဒ်ကနေ ကုန်းတော်ပေါ်တက် တစ်ဝက်လောက်မှာ ဓါတ်လှေခါးစီး (အသက်ကြီးတော့ အပေါ်ထိတန်းမတက်နိုင်တော့ဘူး ဟဲ....... ဟဲ) အပေါ်ကို ရောက်ရင် ကကုသာန် မြတ်စွာဘုရားကို ဦးတိုက်ရှိခိုး၊ ဘုရားကို တစ်ပတ် ပတ်ပြီး အေးအေး ဆေးဆေး တစ်နာရီလောက် ကုန်းတော်ပေါ်မှာ နေချင်တာ စိတ်ထဲက ဆန္ဒသာရှိတယ် အခုထိမလုပ်နိုင်သေးဘူး ဖြစ်နေတယ် အော်........ စိတ်သွားတိုင်း ကိုယ်ပါတဲ့သူ ဖြစ်ရပါလို၏လို့ ဘုရားကိုရောက်ရင် အောင်မြေကနေ ဆုတောင်းတစ်ခု တိုးပြစ်လိုက်ဦးမယ်

အော်......... လောကကြီးရယ်

ကိုယ်ဖြစ်ချင်တာတွေ၊ ကိုယ်လုပ်ချင်တာတွေက များနေတယ်။ ဖြစ်ခွင့်ရတာ လုပ်ခွင့်ရတာနဲ့ ဘယ်လိုမှ အဆင် မပြေဘူး။ အော်........ ကိုယ်ကဘဲ လောဘကြီးလွန်းနေပြန်တာလား။ လောကကြီးကဘဲ ဖြစ်ခွင့်မရတာလား။ စဉ်းစားကြည့်လေ ဆံပင်ဖြူလေဘဲ။ စဉ်းစားရမလားဆိုတာကို စဉ်းစားကြည့်လိုက်ဦးမယ်..........

ပျော်စရာ အားလပ်ရက်ကလေး

ဒီနေ့က တနင်္ဂနွေနေ့ ရှားရှားပါးပါးအနားရတဲ့နေ့ ညီမလေးတွေစုပီး အလည်လာကြမယ်ဆိုလို့ ဘာကြွေးရမလဲ စဉ်းစားကြတယ်။ မခမ်းနှင့် ၀င်းလဲ့က ရှမ်းမုံ့တီချက်ကြွေးတယ်။ ဒါနဲ့ပါချူးက ကျောက်ကြော၊ ဂျင်းသုတ် လုပ်လိုက်တယ်။

မနက် ၉နာရီလောက်မှ ညီမလေးတွေရောက်လာတယ်။ စုစုကြိုင်၊ အေးအေးအောင်၊ မြင့်မြင့်စန်း၊ ခင်ငြိမ်းစု၊ မကေတို့ဘဲပါတယ် မစုက လာခါနီးမှ ဗိုက်မကောင်းလို့ဆိုပီး နေခဲ့တယ်တဲ့။

ကလေးတွေနဲ့ စားလိုက်ကြ စကားပြောလိုက်ကြ၊ ရယ်လိုက်ကြနဲ့ မျက်နှာအကြောတွေ တော်တော်ပြေသွားတယ်။

ဒီတနင်္ဂနွေနေ့လိုမျိုး မကြုံရတာ တော်တော်ကြာနေဘီလေ တန်ဘိုးရှိ လိုက်တာ။ ဘ၀မှာ ပျော်စရာကလေးတွေလဲ မပျောက်သေးပါလားဆိုပီး ပီတိဖြစ်မိတယ်။

အော်…….. ဘ၀ကြီးကလည်း နေပျော်ပါသေးတယ်လေ……………

လပြည့်နေ့

တန်ဆောင်မုန်း လပြည့်နေ့က ပါချူးတို့သူငယ်ချင်းတစ်စု နံနက် စောစော ဘုန်းကြီးကျောင်းကို သွားကြတယ်၊ သွားဖြစ်ခဲ့တဲ့ ဘုန်းတော် ကြီးကျောင်းက မိုးကုတ်ဝိပတ်သနာ တရားစခန်း ဖြစ်နေ တယ်။ အဲဒီ နေ့မှာဘဲ ဘုန်းကြီး ကျောင်းနားမှာရှိတဲ့ ဘုရားမှာ ထီးတင်နှင့် ပဌာန်း ပိတ်ပွဲရှိတယ်။ ဥပုဒ်သည် တွေအားလုံး ဘုရားပေါ်ကို လာခဲ့ကြဘို့ ကျောင်းထိုင်ဆရာတော်ကြီးက မိန့်မှာနေတယ်။ ပါချူးတို့ သူငယ်ချင်း တစ်စုက မသွားချင်ဘူးလေ၊ ဒါကြောင့် ကျောင်းပေါ်မှာဘဲ နေရစ်ခဲ့ကြ တယ်။ ဆရာတော်တစ်ပါးက ကျောင်းမှာကျန်ခဲ့ရင်လည်း အချိန်ကို အကျိုးရှိအောင်ဆိုပီး မိုးကုတ် ဆရာတော်ဘုရားကြီးရဲ့ တရားခွေကို ဖွင့် ပေးတယ်။ ပါချူးတို့ သူငယ်ချင်း တစ်စုကလည်း တရားနာရင်း တရား ထိုင်ဖြစ်ကြတယ်။

တရားခွေဖွင့်တာ စုစုပေါင်းကြာချိန်က ၄၅မိနစ်ဘဲရှိတယ် ပါချူးမှာ လွင့် မျောနေတဲ့စိတ်တွေကို လိုက်ပီးကောက်သင်းကောက်နေရတာက မိနစ် ၃၀ လောက်ရှိသွားတယ် တကယ်တရားထိုင်လို့ရလိုက်တာက ၁၅မိနစ် လောက်ဘဲရှိတယ် ကိုယ့်ကိုကိုယ် တော်တော်စိတ်မငြိမ်သေးတဲ့ သူပါလားဆိုတာ ဖုန်းလို့ ဖိလို့ကိုမရဖြစ်နေတာကို သိလိုက်ရတယ်။

ဆရာတော်က ၈ပါးသီလပေးတယ်။ ပါချူးမှာ တစ်နေ့ကုန်လိုက်ရင် ဘယ်နှစ်ပါးမှ မကျန်မှာဆိုးလို့ မှတ်မထားရဲတော့ဘူး။ ဆရာတော်က သီလပေးပီး တရားဟောတယ်။ လူတစ်ယောက်မှာ သီလနှင့်ပညာရှိဘို့ အရေးကြီးဆုံး။ သီလကို ပညာနဲ့ထိမ်းပီး၊ ပညာကို သီလနဲ့စင်ကြယ်ဘို့ သုတ္တန်ဒေသနာနဲ့ ဥပမာကလေးတွေပေးပီး ဟောတယ်။ အနှစ်သာရ တော်တော်ရှိတဲ့ တရားကလေးကို ရခဲ့တယ်။

ဘုန်းကြီးကျောင်းကနေအပြန် ဈေးကိုသွားတယ်။ နောက်ရက်ချက်ဘို့ ဟင်းနှင့် ညမှာ သုတ်စားဘို့ မယ်ဇလီဖူးဝယ်ခဲ့တယ်။

ညမှာ သူငယ်ချင်းတစ်တွေစုပီး မယ်ဇလီဖူးသုတ်စားဖြစ်ကြတယ်။ ၀ယ်လာတဲ့ မယ်ဇလီဖူးကို ပြန်ပြုတ်ပြစ်လိုက်တယ်။ ငရုပ်ဆုံမှာ အလုံး ကွဲရုံထောင်း၊ ပုဇွန်ခြောက်၊ မြေပဲဆံ၊ နှမ်းတို့ကို ထောင်းပီး သံပုရာသီး ကလေးနဲနဲညှစ်၊ ဆားတော်ရုံထည့်ပီး အားလုံးရောနယ်လိုက်တယ် ဒါဟာပါချူးရဲ့ မယ်ဇလီဖူးသုတ်လေ။ သူငယ်ချင်းတွေကတော့ အာလူး၊ ငရုပ်သီး ဘာညာ သာဓကာတွေထည့်ကြသေးတယ်။ ဒါပေမဲ့ အားလုံး စားကောင်းနေတာပါဘဲ။ ဆေးပေါင်းခအောင် ည ၁၂နာရီမှ စားရမယ် လို့ သူငယ်ချင်းတစ်ယောက်ကပြောတယ်။ ပါချူးတို့မှာ ဆေးပေါင်းက ခပီးသားဆိုတော့ ည ၈နာရီ မှာ စားလိုက်ကြတယ်။ ကောင်းလိုက်တာ.. မိဘနဲ့ ဝေးနေတော့လည်း ကိုယ်တိုင်မှ လုပ်မစားဖြစ်ရင် စားရတော့မှာ မဟုတ်လို့ လုပ်စားဖြစ်တယ် ဒါပေမဲ့ မိဘလုပ်ကျွေးတုံးကလောက် အရသာ၊ ခံစားမှု ဘယ်မှီမလဲလေ………

သူငယ်ချင်းတို့ရော တန်ဆောင်မုန်းလပြည့်နေ့မှာ ဘာတွေလုပ်ဖြစ်ကြ သေးလဲ ပါချူးတော့ ၀ိုင်းစက် ၀င်းထိန်နေတဲ့ လမင်းကြီးကို ကြည့်ပီး အိမ်ကိုလွမ်းရတယ်။ သူငယ်ချင်းတို့ရော……………………..

လမ်းလျှောက်ကြမယ် သူငယ်ချင်း

သူငယ်ချင်းတို့ရေ....
စောစောအိပ်ရာထကြရအောင်
မိုးအကုန် ဆောင်းအကူး
လမ်းလျှောက်ကြရအောင်။

အိပ်ချင်သေးတယ်ဟာ
ထချင်သေးဘူး
ဘာအတွက်လဲ
ဘယ်သူ့အတွက်လဲ။

မင်းအတွက်ပါ သူငယ်ချင်းရယ်
နေ့စဉ်နာရီဝက် လမ်းလျှောက်ရင်
ဆရာဝန်မလိုတဲ့ ကျန်းမာရေး
ဒေါင်ဒေါင်မြည်ကို ရချင်ဘူးလား။

အိပ်ရေးဝမှ ကျန်းမာတယ်ဆို
ကျန်းမာရေးအတွက်
အိပ်တာဘဲလေ
ရဘူးလားကွာ သူငယ်ချင်းရာ။

သူငယ်ချင်းရယ် စဉ်းစားပါ
လှုပ်ရှားနေတဲ့ ဒီခန္ဓာ
စည်းချက်ညီညီ ရှိဘို့ရာ
လိုအပ်တယ်လေကွာ။

နာရီဝက်ကလေး စော ထတာ
ဘယ်မှာ အိပ်ရေးပျက်မလဲကွာ
တစ်နေကုန်ထိုင် အလုပ်လုပ်ကြ
လှုပ်လှုပ်ရှားရှား ရှိမှပါ့။

သူငယ်ချင်းရာ မပျင်းနဲ့ကွာ
စောစောအိပ်ရာထပါဟာ
လမ်းလျှောက်သွားကြမယ်လေကွာ
သွားကြစို့ကွာ သွားစို့ကွာ။

ပါချူးတို့ သူငယ်ချင်းတစ်စု မနက် ၅နာရီခွဲဆိုရင် လမ်းထလျှောက်ဖြစ်ကြတယ် မြန်မြန်သွက်သွက်ကလေးပေါ့၊ မမမြင့်အောင်၊ ချိုလွင်၊ မခမ်းနှင့် ပါချူးတို့ ၄ ယောက်ကနေ့တိုင်း လမ်းလျှောက်ဖြစ်ကြတယ်။ ၆နာရီလောက်ထိ လျှောက်ဖြစ်ကြတယ်၊ ပါချူးက မပြေးနိုင်ဘူး ပြေးလိုက်ရင် ကိုယ်က ရှေ့ရောက်ပီး ခြေထောက်က နောက်ကျန် နေရစ်တယ်၊ ဒါကြောင့်မို့ လမ်းကိုဘဲ မြန်မြန်လျှောက်တယ်၊ လမ်းလျှောက်တာကတော့ ဘယ်လောက်ဝေးဝေး လျှောက်နိုင်တယ်၊ ဆရာကြီးတစ်ယောက်ကပြောတယ် လမ်းကို ဖြေးဖြေးလျှောက်ရင် စားကောင်းသောက် ကောင်းရုံဖြစ်မယ်တဲ့ မြန်မြန်လျှောက်မှ ၀ိတ်ကျတယ်တဲ့၊ လူတစ်ယောက်ဟာ ပိန်ပိန်၊ ၀၀ ဘယ်လိုပုံစံဘဲရှိနေ ပါစေ ကျန်းမာရေးကောင်းဘို့က အဓိကဘဲလို့ ပါချူးထင်တယ်လေ။ လမ်းလျှောက်လို့ လူ့ခန္ဓာကိုယ် ပေါ့ပါးပြီး နေလို့ကောင်းတာက ပါချူးလက်တွေ့ပါ။ သူငယ်ချင်းတို့လည်း အားလပ်တဲ့ အချိန်ကလေးမှာ လမ်းလျှောက်ကြ ပါလားဟင်.......

တန်ဆောင်တိုင်နှင့်ချယ်ရီမြေ

တန်ဆောင်မုန်းလ ရောက်ပီဆိုရင် ဟို....ငယ်ငယ်ကလေးထဲက သိနေတဲ့ ပွဲတော်တစ်ခုကို သတိယမိတယ် အဲဒီပွဲတော်က မြန်မာပြည်တစ်ခုလုံးမှာ တစ်နေရာတည်း အင်တိုက်အားတိုက် စည်စည်ကားကား ကျင်းပတဲ့ တောင်ကြီးမြို့ ရဲ့ တောင်ကြီးတန်ဆောင်တိုင်ပွဲဘဲ ဖြစ်တယ်။ တောက်ကြီးတန်ဆောင်တိုင်ပွဲကို ဟိုနှစ်ပေါင်း မြောက်များစွာကတည်းက ကျင်းပခဲ့ကြတဲ့ ရိုးရာပွဲတစ်ခုလည်းဖြစ်တယ် ရိုးရမပျက်လည်း အခုချိန်ထိ ဆက်လက် ကျင်းပနေကြတယ်
မီးပုံးပျံပွဲတော်ဆိုတာ တောင်ကြီးတန်ဆောင်တိုင်ပွဲနဲ့ ယှဉ်တွဲရှိနေတဲ့ ပွဲတော်တစ်ခုဘဲ၊ ဒီနှစ်မှာလည်း မီးပုံးပျံပွဲကို တောင်ကြီးမြို့မှာ စည်စည်ကားကားကျင်းပနေတယ်၊ သူငယ်ချင်းတို့လည်း အဲဒီ မီးပုံးပျံပွဲကို ကြည့်ကြရအောင် ဒီနားလေးမှာ နှိပ်ကြည့်လိုက်လေ နေ့စဉ်ကျင်းပနေတဲ့ မီးပုံးပျံပွဲတွေကို တင်ထားတယ် အလွမ်းပြေပေါ့သူငယ်ချင်းတို့ရာ.......

အမှတ်တရ တန်ဆောင်တိုင်

ဒီနှစ် တန်ဆောင်မုန်းလပြည့်နေ့ဟာ (၂၄-၁၁-၀၇)ရက်နေ့မှာ ကျရောက်မှာဖြစ်ပါတယ်
ပါချူးတို့ငယ်ငယ်ကတန်ဆောင်မုန်းလပြည့်ရောက်ပီဆိုရင် အဖွားက တန်ဆောင်မုန်းလပြည့်နေ့ရဲ့ ထူးခြားချက် ကလေးတွေ ပြောပြောပြတတ်တယ်။
တန်ဆောင်မုန်းလပြည့်နေ့ဟာ တနှစ်လုံးမှာ လမင်းအလင်းရောင် အတောက်ပဆုံးအချိန်ဖြစ်တယ်ဆိုပီး အပ်ပေါက်ထဲကို အပ်ချည်ထိုးခိုင်းတယ်၊ ပါချူးတို့ အပြိုင်အဆိုင်အပ်ပေါက်ထိုးခဲ့ကြရတယ်၊ နောက်ပီး ၀ိတ်ဇာဇော်ဂျီတွေ ဆေးကြိတ်ရာမှာ ဆေးစွမ်းအထက်ဆုံးအချိန်တဲ့၊ ဒီအစီအစဉ်ကတော်တော်ကောင်းတယ် မယ်ဇလီဖူးသုတ်စားရတယ်။
အဖွားသုတ်ပေးတဲ့ မယ်ဇလီဖူးသုတ်ကို ပြောပြမယ်
မယ်ဇလီဖူးတွေကို အပင်ကခူး (အခုတော့ ဈေးကနေ၀ယ်ပေါ့နော်)၊ ဖုန်သဲစင်အောင် ရေဆေး၊ အိုထဲထဲ့၊ ရေနဲနဲ ထည့်ပီးပြုတ်တော့တာဘဲ
ရေကို ပွက်လာလိုက် သွန်ပြစ်လိုက် တစ်ခါထပ်ပြုတ်လိုက်နဲ့ (၃)ခါလောက်ပြုတ်ပြစ်တယ်။
လပြည့်ညရောက်ပီဆိုရင် ပြုတ်ပီးသား မယ်ဇလီဖူးကို ငရုပ်ဆုံနဲ့ အလုံးကွဲရုံထောင်း၊ နှမ်း၊ မြေပဲထောင်း၊ ဆီချက်၊ ဆား အားလုံးထည့်ပီး နယ်တော့တာဘဲ၊ အိမ်သားအားလုံးလည်းစားရတယ် အိမ်နီးနားချင်း တွေကိုလည်း လိုက်ဝေရတယ်၊ အိမ်နီးနားချင်းတွေကလည်း ပါချူးတို့အိမ်ကို လာဝေကြတယ်လေ။
ပါချူးတို့က ဘယ်အိမ်က ဘယ်လိုပုံစံနဲ့ သုတ်တာလဲဆိုတာသိရအောင် အားလုံးစားတာပေါ့၊ အဖွားကလည်း ပြောတယ် သူ့ရာသီမို့ပေါ်တဲ့ အသီးအနှံဟာ ဘယ်လောက်စားစား ဘေးမဖြစ်ဘူးတဲ့လေ... ဟား......... ဟား ပါချူးတို့ အကြိုက်ပေါ့.....
မေမေတို့လက်ထက်မှာတော့ ပုဇွန်ခြောက်တို့ ငရုပ်သီးစိမ်းတို့ပါလာဘီလေ
ပါချူးတို့လက်ထက်မှာတော့ ဘာမှကို မသုတ်တော့ဘူး သူများလာဝေတာဘဲ စားတော့တယ်.......ဟဲ....ဟဲ
သူငယ်ချင်းတို့ရော......ဒီနှစ်တန်ဆောင်တိုင်မှာ မယ်ဇလီဖူးသုတ်ကြဦးမှာလား ပါချူးကိုလည်း ပေးကြပါဦးနော်

ဒါလေးတွေစားကြည့်ရအောင်

သူငယ်ချင်းတို့ရေ
ပါချူးတို့ မနက်အစောစာကို အဆင်ပြေသလိုစားနေကြတယ်လေ ဒီအထဲက ပါချူးစားဖြစ်တာလေးတွေကို တင်ပေးလိုက်တယ် သူငယ်ချင်းတို့လည်း အဆင်ပြေရင် စားကြည့်ကြပါလား၊ ပါချူးက ပေါင်မုန့်ကြိုက်တော့ ပေါင်မုန့်ကို အမျိုးမျိုးလုပ်စားဖြစ်တယ်......... အချိန်ကုန်သက်သာပီးဗိုက်ဝတဲ့ စားစရာလေးတွေလေ

ပေါင်မုန့်မီးကင်ပြီး ရိုးရိုးဆီဆမ်း၊ ကော်ဖီ
ပေါင်မုန့် နှင့် ကြက်သားဟင်းတွဲပီးစား ၊ ဘလက်ကော်ဖီသောက်
ပေါင်မုန့် နှင့် စားတော်ပဲပြုတ်ဆီစမ်း၊ ဘလက်ကော်ဖီ
ပေါင်မုန့်နှင့် အစိမ်းကြော် တွဲပီးစား၊ လ္ဘက်ရည်သောက်
ပေါင်မုန်နှစ်ခုကြားထဲ ကြက်ဥကြော်ညှပ်စား၊ ဘလက်ကော်ဖီသောက် ....ကြက်ဥက ကြက်ကြက် မကြက်ကြက်ရတယ်
ငှက်ပျောသီးကြော်၊ လ္ဘက်ရည်
ငှက်ပျောသီး၊ ကော်ဖီ၊ လ္ဘက်ရည်တစ်မျိုးမျိုးနှင့်တွဲစား
ထောပတ်သီး(ဘာအချိုမှမထည့်ဘူး)
သင်္ဘောသီးမှည့်

တစ်ခါတစ်လေလည်း အိုးထဲရေနဲနဲထည့်၊ ပွက်လာရင် ခေါက်ဆွဲ(ကြာဇံ)၊ မုံညင်း (အရွက်တစ်ခုခု-ကန်ဇွန်းရွက်ဖြစ်ဖြစ်၊ မုံလာထုတ်ဖြစ်ဖြစ်)ထဲ့ အချို၊ အငန်ကို ကိုယ်ကြိုက်သလိုထည့် ဒါက အသားသတ်လွတ်အတွက်....... အသားရှိရင် အသားတစ်ခုခုထဲ့လည်း ရတယ်
သူငယ်ချင်းတို့ရော ဘာတွေလုပ်စားဖြစ်ကြလဲ။ အချိန်ကုန်သက်သာတယ်၊ ကျန်းမာရေးနှင့်လည်း ညီညွတ်တယ်၊ စားလို့လည်းကောင်းတယ်..... ပါချူးကဒါတွေကြိုက်တာကိုး ဟဲ.....ဟဲ.......ဟဲ

မှတ်မိသမျှ

Teach an eagle to fly.
(also) Don't teach your grandmother how to suck eggs.
မိကျောင်းမင်းရေခင်းပြ။
A burnt child dreads fire.
ခဲမှန်ထားတဲ့စာသူငယ်ဟာ ခဲမြင်ရုံနှင့်ကြောက်။
Once bitten twice shy.
တစ်ခါသေဘူး ပျဉ်ဖိုးနားလည်။
An apple a day keeps the doctor away.
တန်ဆေးလွန်ဘေး။
Cut your coat according to your cloth.
သူ့အိုးနှင့် သူ့ဆန် တန်ရုံခတ်။

သူငယ်ချင်းတို့ရေ နောက်နေ့မှနော်

ပါချူးအလုပ်တွေများနေတယ်
ခရီးကလည်းထွက်လိုက်သေးတယ်
ပို့စ် အသစ်တွေရေးချင်တယ်
လုပ်ချင်တာဘဲသိတယ်
ခေါင်းထဲမှာလဲဘာမှ မရှိဘူးဖြစ်နေတယ်
်အိပ်ရေးပျက်ခဲ့တဲ့ ညတွေများနေလို့
အိပ်ရေး အချည်းပြန်ဆပ်လိုက်ဦးမယ်
နောက်နေ့ မှဘဲရေးတော့မယ်

ပါချူးမှတ်မိသမျှ

ပါချူးတို ရှစ်တန်းတုံးက အင်္ဂလိပ်စာဆရာက ဦးမြင့်ဆွေ၊ စာသင်အရမ်းကောင်းပြီး စေတနာအပြည့်အ၀ထားတဲ့ ဆရာတစ်ဦးပါ၊ ဆရာက အင်္ဂလိပ်စကားပုံကလေးတွေကို အကျက်ခိုင်းခဲ့ပါတယ် တစ်နေ့ရောက်ရင် အသုံးဝင်မယ် တဲ့ ပါချူးတို့ ငယ်ငယ်ကကျက်ခဲ့တာလေးတွေကို memo recall ပြန်ခေါ်ပြီး ချရေးပေးလိုက်တယ် မသိသေးတဲ့ သူငယ်ချင်းတွေလဲ သိရအောင်လေ။ ဒါလေးတွေက ငယ်ငယ်ကကျက်ခဲ့လို့ မှတ်မိနေတာ၊ ကြီးမှ ကျက်ခဲ့တာဆိုရင် ဒီလောက်မှတ်မိမှာမဟုတ်ဘူး..... ဒါ ပါချူးရဲ့ကိုယ်ရည်သွေးချက်လေ.......

A soft answer turneth away warth.
နှုတ်ချို သျှိုတစ်ပါး။
Practice makes perfect.
အကျင့်ရှိမှ အသင့်ဖြစ်မည်။
When in Rome do as a Rome does.
အများမိုးခါးရေသောက်ရင် ကိုယ်လည်းသောက်ရမယ်။
Make hay while the sun shines.
လသာတုံး ဗိုင်းငင်။
Killing two birds with one stone.
တစ်ချက်ခုတ် နှစ်ချက်ပြတ်။
Cut your coat according to your cloth.
သူ့အိုးနှင့် သူ့ဆန် တန်ရုံခတ်။

အခုတော့ ဒါလေးတွေဘဲမှတ်မိသေးတယ်......... နောက်ထပ်ရေးနိုင်အောင် စဉ်းစားလိုက်ဦးမယ်

ရှမ်းမုံ့တီချက်စားကြရအောင်

ပါချူးရှမ်းမုံ့တီကိုကြိုက်တယ် ရှမ်းမချက်တိုင်းသွားသွားစားတယ် ချက်နည်းကိုလည်း မေးထားတယ် ပါချူးသိတဲ့ ရှမ်းမုံ့တီချက်နည်းက

ငါး ၁၅ ကျပ်သားကို ရေဆေးပြီး ဆား၊ ဆနွင်းနယ် ရေနဲနဲ ထည့်ပြီးပြုတ် ကျက်ရင် အသားထွင်ထား၊
ချက်မဲ့အိုးထဲကို ဆီ၂ကျပ်ခွဲသားထည့်၊ ကြက်သွန်ဥ ကြီးကြီး ၂ ဥ လှီးထည့်၊ ခရမ်းချဉ်သီးအနေတော် ၂ လုံးလောက်ထည့် ဂျင်း၊ ကြက်သွန်ဖြူထောင်းထည့်ပြီး ဆီသတ်၊ ထွင်ထားတဲ့ ငါးအသားတွေထည့်၊ ပြီးလျှင်ရေကို ၅ယောက်စာမှန်းထည့်၊ ဆားထည့်၊ ပွက်ပွက်ဆူလျှင် မုံ့ဖတ် ကြက်သွန်မိတ်၊ နှမ်းကြက်သွန်ဖြူဆီချက်နဲ့တွဲဘက်ပြီး ရှမ်းမုံ့တီစားနိုင်ပါပြီ။

မှတ်ချက်။ ။ရှမ်းမုံ့တီမှာ ငန်ပြာရည် လုံးဝမထည့်ရပါ။

ကာရံမဲ့ ခေါင်းစဉ်မဲ့

လပြည့်ည
လမင်းရဲ့အလင်းရောင်
လောကတစ်ခုလုံးလင်းထိန်
ကြယ်ကလေးတွေရဲ့အလင်းရောင်
ရှိနေသားနဲ့ ဘယ်မှာလဲကွယ်။

လကွယ်ည
အလင်းရောင်လေးတော့ရှိနေ
ဒါပေမဲ့
ကြယ်ကလေးတွေပိုလင်းနေ

ဘယ်အချိန်ဘဲဖြစ်ဖြစ်
ကြယ်ကလေးတွေကတော့ ထာဝရရှိ

တောက်ပတဲ့အလင်းရောင်မရှိပေမဲ့
ထာဝရလင်းပေးနေတဲ့ ကြယ်ကလေးပါ..........

ပါချူး ကဗျာမရေးတတ်ဘူး ဒါပေမေဲ့ မနေ့ ည ၉နာရီလောက်မှာ ကောင်းကင်ကြီးကို မော့ကြည့်ပီး ရေရွတ်ခဲ့မိတာတွေကို ချရေးမိတာပါ ဘာကာရံမှလည်းမသိ ဘာကာရံမှလည်းမမိတဲ့ စာကြောင်းကလေးတွေပါ ကြိုးစားပီးဖတ်ပေးကြပါ သူငယ်ချင်းအပေါင်းတို့ရေ....................

ငယ်ငယ်ကစာ

သီတင်းကျွတ်ပီ
မီးပုံးပျံလွှတ်ရအောင်
မီးစာကိုရေနံဆွတ်ပါ
မိုးလွတ်ပါမည်လား။
သူငယ်တန်းတုံးက သင်ခဲ့ရတဲ့ စာပိုဒ်ကလေးပါ.... သတိရလိုက်လို့ ပါ

မင်္ဂလာပါသူငယ်ချင်းအပေါင်းတို့

သူငယ်ချင်းတို့ရေ
မကြီးပါချူး ဘလော့ဂ်လေးကို စရေးမိပြီ
ဘလော့ဂ်လေးရေးဘို့ အိမ်မက် မက်ခဲ့တာတော့ကြာနေဘီ
အခုမှဘဲ အိမ်မက်ကလေးကို အကောင်အထည်ဖေါ်နိုင်တော့တယ်
မကြီး ဘလော့ဂ်မှာ ဘာတွေလိုအပ်လဲဆိုတာကို
အကြံဥာဏ်ကလေးတွေ ပေးကြပါနော်
မကြီးကြိုဆိုနေပါတယ်...........

ငယ်ငယ်က ပါချူးတို့စပ်စုမှု

အထက်မြန်မာပြည် အညာဒေသမှာရှိတဲ့ ရန်ကင်းတောင်ခြေက မန္တလေးနည်းပညာတက္ကသိုလ်..... တောတောင်တို့်ရဲ့ စိမ်းလမ်းစိုပြေနေတဲ့ရှုခင်းကို နောက်ခံထားပြီး ၀ံ့ကြွားစွာတည်ရှိနေတဲ့ ကျောင်းတော်ကြီးတစ်ခု.. ထည်ဝါခမ်းနားတဲ့ အဆောက်အဦးကြီးတစ်ခုကတော့ Main building ကြီးပါ ....
ဒုတိယထပ်မှာ Internet ခန်းရှိတယ်....... ပါချူးနှင့် အိငယ်တို့ Internet သုံးပြီးအခန်းထဲက အထွက်လိုက်မှာ building ရဲ့ မျက်နှာချင်းဆိုင် ဟိုဘက်အပိုင်းကို ဘာရယ်မဟုတ်ဘူး မျက်စေ့ကရောက်သွားတယ်....
ခုံတန်းရှည်ကလေးမှာ အင်္ကျီအဖြူလက်ရှည်ဝတ်ထားတဲ့ ကောင်လေးနှင့် အပြာပွင့်ကလေးတွေ ပါတဲ့အင်္ကျီ ၀တ်ထားတဲ့ ကောင်မလေး တို့ နှစ်ယောက် ထိုင်နေကြတာကို တွေ့လိုက်ရတယ်..... ကျောင်းမှာ ကောင်မလေးနှင့် ကောင်ကလေးအတူတူထိုင်တယ်ဆိုတာ မထူးဆန်းပါဘူး.....ဒါပေမဲ့ ပါချူးတို့ ကြည့်လိုက်တဲ့အချိန်မှာ ကောင်ကလေးက ဖြူဖွေးနေတဲ့သွား အားလုံးပေါ်အောင် ရယ်ပြီး ရှက်နေတဲ့ပုံ ဖြစ်နေတယ်.......
ဒါဟာထူးခြားချက်လေ........ ပါချူးတို့က ဒါမျိုးဆို ၀ါသနာရှင်အဆင့်......... စပ်စုမှုကလည်း ဘယ်သူ့ ကိုမှ ဗိုလ်မထားဘူုး ပညာကုန်အောင်တောင်မသုံးလိုက်ရဘူး သိလိုက်ရတယ်.....
အဲဒီနေ့ က ကောင်ကလေးကိုကောင်မလေးက အဖြေပေးတဲ့နေ့တဲ့.......
ကောင်ကလေးက အခုထိရှက်နေတယ် .....ဒီပို့စ်ကို သူဖတ်မိရင် ငါးခူပြုံး..... ငါးရံ့ ပြုံး.... ငါးအားလုံးပြုံး ဖြစ်နေမယ်လို့ထင်တယ်