Friday, June 12, 2009
Friday, May 15, 2009
အချိန်တိုင်း
အရိပ်တစ်ခု ဖြစ်ခွင့်ပြုပါ။
မိုးရွာချိန်မှာ မစိုစေဖို့
ထီးလေးတစ်ချောင်း ဖြစ်ခွင့်ပြုပါ။
ဆောင်းရာသီမှာ နွေးထွေးစေဖို့
အနွေးထည်လေး ဖြစ်ခွင့်ပြုပါ။
အချိန်တိုင်းမှာ သာယာစေဖို့
မင်းအနားမှာ နေခွင့်ပြုပါ။
Monday, May 11, 2009
ကုသိုလ် ယူကြရအောင်
သူငယ်ချင်းတို့ရေ.................
အညာမှာ နေ တော်တော် ပူနေတယ်.......... မနေ့ညက မိုးလေ၀သ သတင်းမှာ မုံရွာရဲ့ အပူချိန်က 45ံC တဲ့ ...... တစ်ခါမှ မကြားဘူးတဲ့ အပူပဲ။ ကလေးတွေ သက်ကြီးရွယ်အိုတွေ ဘယ်လိုများ နေကြပါ့။ အသက်ကြီးတဲ့ သူတွေက စကား ပြောတတ်လို့ တော်သေးတယ်..... စကား မပြောတတ်တဲ့ ကလေးတွေ အတွက် ပိုသနား မိပါတယ်။
ပါချူးတို့ ကျောင်းတက်ချိန်တုံးက မုံရွာ ဒီလောက်မပူ ပါဘူုး။ မြင်းမူလမ်း တောက်လျှောက်မှာ ရှိတဲ့ မန်ကျည်းပင်၊ ကုက္ကို ပင်ကြီး တွေနဲ့ အုပ်ဆိုင်းပြီး အေးနေတာပဲ။ နောက်ပိုင်း လမ်းချဲ့လို့ လှဲပစ်လိုက် ကတည်းက အပူချိန် ပိုမြင့် လာသလား ထင်ရတယ်။ အပူချိန် မြင့်တက် လာတာ အခြား အကြောင်းတွေ ကြောင့်လည်း ပါမှာပေါ့။ တိုက်တွေ၊ မှန်တွေ၊ သွပ်မိုးတွေ၊ စက်မှုလုပ်ငန်းတွေ၊ ကားတွေ၊ ဆိုင်ကယ်တွေ.......... ဒါတွေကနေလည်း အပူချိန်ကို ပိုမြင့်စေ တာလေ။ အော်.......... ဒါတွေကလည်း မရှိလို့မဖြစ်.......... နောက်ဆုံး လုပ်နိုင်တာက သစ်ပင်တွေ တနိုင်တပိုင် စိုက်ကြရမှပဲ ဖြစ်တော့မယ်လို့ ပါချူး ထင်တယ်။
သစ်ပင် စိုက်နိုင်ခြင်းရဲ့ အကျိုး ကျေးဇူးလေး တစ်ခု အကြောင်းကို ပြောပြချင်တယ်....... ပါချူး တို့ ဘုတလင်ရဲ့ အရှေ့ဘက်မှာ သဖန်းရွာဆိုတာ ရှိတယ်......... အဲဒီရွာက ကုန်းမြင့်လေးကို တဖြေးဖြေး တက်သွားရတာ။ လမ်းကလည်း မြေလမ်း။ အဲဒီမြေလမ်းကို သဲက ဖုန်းနေသေးတယ်။ စက်ဘီးနဲ့ ပါချူး သွားဘူးတယ် ........ တော်တော် လျှာထွက်အောင် နင်းရတဲ့ လမ်း....... သဲထဲများ စက်ဘီး နစ်သွားလို့ကတော့ ဆင်းပြီး တွန်းလိုက်ပေဦး......... ဒါပေမဲ့ လွန်ခဲ့တဲ့ ၆နှစ် ၇နှစ်လောက်ကမှ အဲဒီလမ်းဘေး ၀ဲယာကို ယူကလစ်ပင် တွေ တန်းစီပြီး စိုက်လိုက်တာ အရိပ်လည်းရတယ်။ လမ်းထဲမှာ ရှိနေတဲ့ သဲတွေလည်း မရှိတော့ဘူးလို့ သိရတယ်။ မြေကလေးကို မာလို့တဲ့.......... စက်ဘီးနင်းရတာ မြေမာပေါ်မှာ နင်းရသလိုပဲ အရိပ်ကလေး အေးအေးလေးနဲ့ အဆင်ကို ပြေနေတယ်လို့ သိရတယ်။
ဒါကြောင့်မို့ ........ သဘာဝ ပတ်ဝန်းကျင်ကို အဆင်ပြေပြေလေး ဖြစ်နိုင်ဘို့ မိမိတို့ တတ်နိုင်သလောက် ....... ရောက်တဲ့ နေရာမှာ သစ်ပင်ကလေးတွေ စိုက်ကြရင်း ကုသိုလ်တစ်ခု ယူပေးကြပါလို့ ........ သူငယ်ချင်းတို့ကို ပါချူး တိုက်တွန်းချင်ပါတယ်။
Sunday, May 10, 2009
ဘွန်ဆိုင်း နှလုံးသား
ပေးဆပ်မှုကို အရင်းတည်တဲ့
မင်းထံတည်ရှိ အချစ်များဟာ
အချိန်ကာလ ဘယ်လောက်ကြာကြာ
မင်းအတွက် ထာဝရ ရှင်သန်နေခဲ့
စ လယ် အဆုံး တစ်ပြေးညီစွာ
မညှိုးထာဝရ ပေါက်ဖွားရှင်သန်
ငါ့ရင်ထဲမှာ တည်ရှိနေတဲ့
ဘွန်ဆိုင်း နှလုံးသား။
Sunday, May 3, 2009
ရင်တွင်း
နေပူကို လေပူက မှုတ်ထုတ်လိုက်တော့
အပူပေါ် အပူထပ်ဆင့်လို့
လောင်မြိုက်တဲ့ အငွေ့တွေက
တံလျှပ်လို ထွက်နေသော်လည်း
ငါ့ရင်ထဲ အပူမီးက
ဒီလောက်တော့ ခပ်ပြုံးပြုံး
ထီမထင် ဟန်အပြည့်
မာန်တင်းကာ ခေါင်းမော့လို့
ကိုးဆယ်သ သာလိမ့်မယ်။
Saturday, April 25, 2009
သူငယ်ချင်းတို့ရေ .........အညာမှာ တော်တော် ပူနေတယ်......... 40C လောက်ကတော့ အေးအေးဆေးဆေး ကျော်နေလောက်ပြီ။ ပူလွန်းလို့ ရေပဲသောက်ပြီး ဗိုက်ကားနေရတယ် ဘာမှလည်း စားချင်စိတ်မရှိ ဘာမှကို လုပ်ချင်စိတ် မရှိဘူး ဖြစ်နေတယ်။ ပါချူးလည်း ပို့စ် တင်စရာတွေ ရှိနေတယ် ဓါတ်ပုံတွေကို အဆင်ပြေအောင် ပြန်ပြင်ဘို့ကို ပူလွန်းလို့ မလုပ်နိုင်သေးဘူး ဖြစ်နေတယ်.............. ရာသီဥတု ပူသလို အလုပ်ကြောင့် ခေါင်းတွေလည်း ပူနေလို့ ..... နောက်များမှ ပို့စ် တင်ပေးမယ်နော်။
အတူတူ
ဟိုး.....ရှေ့မှာ ရောင်နီလာပြီ
နံနက်တစ်ခုရဲ့ အလင်းရောင်ဖြစ်သလို
ဘ၀တစ်ခုရဲ့ တိုက်ပွဲအစလည်းဟုတ်တယ်။
တဖြည်းဖြည်း နေမြင့်လာလေ
အပူချိန် ပိုပြင်းလာသလို
ဘ၀တိုက်ပွဲကလည်း တဖြည်းဖြည်းပြင်းထန်လာတယ်။
တောင်စွယ်မှာ နေညိုတော့
အပူတွေ ဘယ်ဆီရောက်သွား
ပျော်ရွှင်စွာ အေးချမ်းလို့
ဘ၀အတွက် အနားယူချိန်လေး တစ်ခုပေါ့။
ဒါတွေရဲ့ ၀ဲဂယက်ထဲမှာ
တို့နှစ်ယောက် လက်တွဲမဖြုတ်
ယုံကြည့်မှု အားမာန်အပြည့်နဲ့
ရင်ဆိုင်ကာ ရုန်းကန်ရင်း
အနားယူ ပျော်ရွှင်ရင်းနဲ့
နောက်လာမည့် နေ့သစ်တိုင်းအတွက်
ဘ၀သံသရာ လည်ကြဦးစို့..........။
Monday, March 23, 2009
ပို့မေတ္တာ
အနတ္တနှင့် အရိပ်
မောင်ငယ်နှင့် ညီမငယ်
ရက်မြတ်မှာ တူလက်တွဲလို့
မင်္ဂလာ အခမ်းအနား
စီစဉ်ကာ ကျင်းပ
တူနှစ်ကိုယ် စိတ်တူမျှလို့
လက်တွဲကာ ဘ၀တစ်သက်
စိတ်ချမ်းသာ ကိုယ်ကျန်းမာစေ
ဘေးရန်အပေါင်း ဝေးကွာစေ
တစ်သက်အတူ ပေါင်းဖက်နိုင်စေ
ဆထက်ပိုလို့ အချစ်တိုးနိုင်ကြစေ
ဘ၀လမ်းခရီး ဖြောင့်ဖြူး သာယာစေ
အခက်အခဲဟူသမျှ မြူမှုံမျှလောက်
မရှိကင်းစင် အဆင်ပြေ အေးချမ်းစေကြောင်း
မကြီးမေတ္တာ ပေးဝေဖြာ၏။
Wednesday, March 18, 2009
ငိုချင်တယ်
တူးပို့တဲ့ မြူးကြွသံ
ရင်ထဲထိ တိုးဝင်လာတဲ့
သင်္ကြန်ရဲ့ ရနံ့လေးကြောင့်
ပျော်ရွှင်ဘွယ် ကြည်နူးမှု
ခံစားချက်လေး လှိုက်ခနဲပျော်........
ဒါပေမဲ့လေ...............................
သင်္ကြန်ဟာ ကိုယ်နဲ့ မဆိုင်သလို
ဝေ့တက်လာတဲ့ မျက်ရည်တစ်စနဲ့
ကြေကွဲစွာ ၀မ်းနည်းမိ.................
Monday, March 16, 2009
ငယ်ငယ်တုံးက.............(7)
ပါချူးတို့ အတန်းပိုင် ဆရာမက တစ်တန်းလုံးကို သစ်ပင် အစိုက်ခိုင်းတယ်။ ကိုယ့်အိမ်ကနေ သစ်ပင် တစ်ပင်စီ ယူလာခိုင်းပြီး အတန်းရဲ့ နောက်ဖေး မြေကွက်လပ်မှာ စိုက်ကြရတယ်။ ငှက်ပျောပင် အများဆုံး ပါတယ်။ သစ်ပင် စိုက်ပီးရင် အသင်း အလိုက် ရေလောင်း ကြရတယ်။ စုပေါင်းပြီး လုပ်တတ်တဲ့ အကျင့်လေး ရသွားအောင် လုပ်ပေးတာပါ။ ကိုယ်စိုက်ထားတဲ့ အပင် ကလေးတွေကို အရိပ်တကြည့်ကြည့်နဲ့ ရေလောင်း ပေါင်းသင် ပေးနေရာက ဖူးပွင့် လာကြပြီဆို မိမိကိုယ်တိုင် ကြည်နူးမိတာ အရင်ပါ။ ဒါကြောင့်မို့ ပါချူး ရောက်တဲ့ နေရာတိုင်းမှာ သစ်ပင် စိုက်ပါတယ်။ စိုက်စရာ မြေမရှိရင် ပန်းအိုးထဲကို မြေထည့်ပြီး ပန်းပင်တစ်ခုတော့ စိုက်ဖြစ်တာပါပဲ။ ဆရာမကို အထူး ကျေးဇူး တင်နေမိတာ အခုချိန်ထိပါ။
ပါချူးက ပြိုင်ပွဲဝင် အားကစားသာ မရတာ ပေါက်တတ်ကရ ဆော့တာတော့ ထိပ်ကပဲ။ သူငယ်ချင်း တစ်စု ကြိုးတစ်ချောင်း စုဝယ်ပြီး ကြိုးခုန်တန်း ကစားကြပါတယ်။ ကြိုးစ နှစ်ခုကို နှစ်ယောက်က ကိုင်ပြီး ရန်းရပါတယ်။ ကျန်တဲ့သူတွေက ရန်းနေတဲ့ ကြိုးထဲကို ၀င်ပြီး ခုန်ကြရပါတယ်။ ကြိုးနဲ့ ထိသွားရင် အဲဒီလူက ကြိုးရန်းပေးရပါတယ်။ ဖုန်လုံးတွေ တလိပ်လိပ် ခြွေးတွေ တရွှဲရွှဲနဲ့ ဆော့ရတာကို ပင်ပန်းတယ် မထင်ပဲ တစ်တန်းလုံး ပျော်ခဲ့ ကြတာတွေကို အခုချိန်ထိ် မှတ်မိ နေပါသေးတယ်။
ပါချူး ကြီးလာတော့မှ စဉ်းစားမိတာက ငယ်ငယ်က အဖြစ်အပျက် ကလေးတွေဟာ ပါချူးတို့ ဘ၀အတွက် လူအများနဲ့ စုပေါင်း လုပ်တတ်အောင်။ လူအများကို ဆက်ဆံ တတ်လာအောင်။ အများစု ဆိုတဲ့ အထဲမှာ ကိုယ် ပါဝင်နိုင်ဘို့ရန် အတွက် အစပျိုးခဲ့တဲ့ အခြေခံ လေးတွေ ပါလားလို့ သိလာရတယ်။ သိလာတာနဲ့ အမျှ လမ်းကြောင်း အစပျိုး ပေးခဲ့တဲ့ ဆရာ/ဆရာမ တွေကိုလည်း ကျေးဇူး အထပ်ထပ် တင်ရင်း ဦးခိုက် ရှိခိုး မိပါတော့တယ်။
Sunday, March 15, 2009
မျှော်မိတယ်
ပွင့်ဖူးတဲ့ ဒီအချိန်ဆို
ရောက်လာလေမလား နှစ်စဉ်တိုင်း
မျှော်မိတဲ့ ဒီအကျင့်လေးကို
တမ်းတမြတ်နိုး သိမ်းထားမိတာ
ခုချိန်ထိပေါ့ .....။
တကူကူးတဲ့ ဥသြငယ်
လွမ်းနေသူ ထပ်ဆင့်လို့
နှစ်ဦးရဲ့ အစတနွေ
ရောက်ပြန်ပြီ တစ်ပါတ်လည်ပေါ့
တမ်းတသူ ပြန်လာမလား
နွေရောက်တိုင်း မျှော်လင့်မိတာ
ခုချိန်ထိပေါ့ ......။
ရော်ရွက်တို့ မြေမှာခ
ဖူးငုံရန် အားမာန်တင်းလို့
တိုးထွက်ဖို့ အားယူချိန်
စောင့်မျှော်မိ နှစ်စဉ်နှစ်တိုင်း
ဆန္ဒရယ် မပြည့်သေးတာ
ခုချိန်ထိပေါ့ ......။
Saturday, February 28, 2009
အစမ်းသပ်ခံ
ဘယ်သူသေသေ ငတေမာပီးရော
နှုတ်ထွက်ကယ် စည်းမစောင့်
ပြောဘို့ရာ ၀န်မလေးသူ။
ကိုယ့်အမှားကို သူများသိရင်
အထင်သေးမှာ စိုးရိမ်စိတ်နဲ့
အနားမရှိသူ အမှားဖြစ်အောင်
ပါးစပ်က ပြောလိုက်ရမှ
နေသာထိုင်သာ ရှိနေသလား။
ဘယ်အရာမဆို လုပ်သင့်မလုပ်သင့်
ဦးနှောက်မှာ မစဉ်းစားနိုင်
ကိုယ့်အရေး ရှေ့တန်းတင်
အတ္တရယ် ကြီးလွန်းနေ။
သို့ပေမဲ့လည်း.....
ခဏတာ တွေ့သူကို
ရွှန်းရွှန်းဝေ နှုတ်ထွက်စကား
တွေ့လိုက်ရင် သဘောကောင်း
မနောကောင်းယောင် မျှတသူ
အရေခြုံ ဖုံးလွှမ်းထား
အပေါ်ယံ ဝေဆာနေသူ။
လူဘ၀ ခဏတာ
အချိန်တိုတွင်း ဒီဇတ်ရှုတ်ကို
ကြုံတွေ့နေရ ပတ်ဝန်းကျင်မှာ
သဘာဝ လောကကြီးက
ခံနိုင်ရည် ဘယ်လောက်ရှိလဲ
အချိန်ပေး စမ်းသပ်နေလား။
Thursday, February 26, 2009
အညာအလွမ်း
မိုးမှောင်ခါ လေတိုက်လိုက်တော့
ဖုန်လုံးတွေ တလိပ်လိပ်ပြေးလာ
တို့အညာ သင်္ကေတ။
ရော်ရွက်ဝါ တမာပင်မှ
ရွက်ကြွေခါ မြေမှာခပြန်တော့
နွေဦးသရုပ် ပီပြင်လှတဲ့
တို့အညာ ရှုခင်း။
ကူချွဲတဲ့ ဥသြပျို
အဆွေးပေါ် အလွမ်းဆင့်လို့
တို့အညာ ပြန်ချင်တယ်လှအောင်
လွမ်းပြတယ်လေး။
Sunday, February 22, 2009
ရည်မှန်း
ကြည်လင်ဝင်းပ
လမင်းငယ်ကို
မင်းကြည့်နေလား
အတွေးမှတ်နဲ့
ငါလည်း ကြည့်မိနေတော့တယ်…….
ကောင်းကင်တစ်ခုလုံး
မှတ်တုတ်ကြယ်ငယ်
မြောက်များစွာမှ
ဘယ်ကြယ်ကိုများ
မင်းကြည့်နေလဲ
အတွေးမှတ်နဲ့
ငါလည်း ကြည့်မိနေတော့တယ်……..
မိုးသားတိမ်လိပ်
မဲမှောင်ကျတဲ့
ဒီတစ်ညတော့
လွမ်းမောကင်းစွာ
နှစ်ချိုက်အိပ်မော
နားစက်ပါရစေ……
Saturday, February 21, 2009
အတိတ်ခြေရာ
ပြေးလွှားပျော်ပါး ဆော့ကစားပြီး
ပညာနို့ရည် သောက်ခဲ့ရတဲ့
တို့ကျောင်းတော်ကြီး။
ဂစ်တာတီးပြီး သီချင်းဆိုရာ
ကန်ရေဖွေးဖွေး အေးအေးလေးမှာ
ထိုင်ခဲ့ကြတဲ့ လှေခါးထစ်လေး။
နေ့လည်နေ့ခင်း သူငယ်ချင်းအပေါင်း
ရှေ့ရေးတိုင်ပင် နှီးနှောဖလှယ်
ထွေလာလေးပါး စပ်စုနေရာ
ဆုံခဲ့ကြတဲ့ လဘက်ရည်ဆိုင်လေး။
အညာတစ်ခေါက် အလည်ရောက်တော့
တို့သူငယ်ချင်း အပေါင်းဆုံရာ
ခြေရာလေးတွေ သွားကောက်မိခဲ့။
အော်........... အခုတော့လည်း
မတွေ့တာကြာတဲ့ သူငယ်ချင်းတို့
သားသမီးအတွက် အလုပ်ရှုတ်နေလား
စီးပွားရေရော အဆင်ပြေရဲ့လား
ဘယ်မှာရောက်လို့ ဘယ်လိုနေလဲ
မျှော်မှန်းတမ်းတ ဆန္ဒပြုမိ
အားလုံး အဆင်ပြေ
အေးချမ်းကြပါစေ.............။
Thursday, February 19, 2009
ထာဝရ မေတ္တာ
သတိထားနော် လမ်းမမှားစေနဲ့
စိတ်မချလို့ မှာနေလိုက်တာ။
တစ်ခုခုကို စားတော့မယ်ဆို
ကျန်းမာရေးအတွက် ပူပင်ပေးတာ
ဒါလေးကတော့ တည့်ပါ့မလား။
ညအိပ်ရာဝင် နွေးထွေးစေဘို့
စောင်လပ်နေလား အေးနေလား
တစ်ရေးနိုးလို့ ထစမ်းပေးတာ။
သားသမီးအသက် ဘယ်လောက်ကြီးကြီး
ပိစိကွေးလေး ထင်နေခဲ့တာ
မပြောင်းလဲတဲ့ မေတ္တာတွေနဲ့
အစဉ်ထာဝရ နွေးထွေးနေတဲ့
မိဘ မေတ္တာ။
Wednesday, February 18, 2009
တို့နှစ်ယောက်
ပူပင်စရာ သောကတွေကို
မျှဝေခံစား ကြရအောင်။
တို့နှစ်ယောက်
ပျော်ရွှင်စရာ ကြည်နူးမှုတွေကို
မျှဝေခံစား ကြရအောင်။
ဘ၀ခရီးလမ်း
လက်တွဲ မဖြုတ်စတမ်း
လောကဓံကို အံတုလို့
ရဲရဲကြီး ရင်ဆိုင်လိုက်ကြပါစို့
တို့နှစ်ယောက်။
Wednesday, February 11, 2009
ဆုံကြပါစို့
အခုထိ မနိုးနိုင်သေးဘူး
မေ့ပစ်ဖို့ဆိုတာ
မလွယ်ကူဘူး ချစ်သူ။
အချစ်ဆိုတာ ဝေးမှပိုသိခဲ့တယ်
အသက်ရှင်နေတာ လွမ်းဖို့ဆိုရင်
ဒီနေ့ရက်တို့ ကျော်လွန်အောင်
ဆုံတွေ့ကြပါစို့ ချစ်သူ။
Monday, February 9, 2009
တပို့တွဲ လပြည့်နေ့
သူငယ်ချင်းတို့ရေ …. ဒီနေ့ဟာ မြန်မာပြက္ခဒိန်လရဲ့ (၁၁)လမြောက်ဖြစ်တဲ့ တပို့တွဲ လပြည့်နေ့ ဖြစ်ပါတယ်။ တပို့တွဲလကို ထမနဲ နှင့် တွဲဖက်ပြီ သတိရစေတဲ့ လ ဖြစ်ပါတယ်။ တပို့တွဲ လပြည့်နေ့ဟာ ဆောင်းရာသီမှာ မြတ်စွာဘုရားရှင်ဟာ လက်ဝါးတော်ဖြန့် မီးလှုံတဲ့နေ့ ဖြစ်တယ်လို့ ပါချူး အမေကြီး ပြောပြခဲ့ ဘူးပါတယ်။ ပါချူးတို့ ငယ်ငယ်က ဒီလပြည့် ရောက်ပြီဆိုရင် အမေကြီးနဲ့ ဒါနပြုခဲ့ ကြတာလေး တွေကို သတိရ မိပါတယ်။ ဘုတလင်မြို့ရဲ့ မြောက်ဘက်မှာ ရှိတဲ့ တောကျောင်းတစ်ခု ဖြစ်တဲ့ ကွမ်းသီးစိတ် (တောရကျောင်း) ကိုသွားရပါတယ်။ တောရကျောင်းက သိမ်ကျောင်းတော်နဲ့ ဘုရားဟာ ပါချူးတို့ အဖွား (အမေကြီး၏ အစ်မ) တည်ခဲ့သော ဘုရား ဖြစ်ပါတယ်။ တပို့တွဲ လပြည့်နေ့ မတိုင်ခင် အဖိတ်နေ့ ညနေမှာ အဲဒီ သိမ်ဘုရားကို သွားပြီး မီးပူဇော်ဖို့ သနပ်ခါး၊ နံ့သာဖြူ၊ ကရက်မက် စတဲ့ အမွှေးနံ့သာ တွေနဲ့ မီးဖိုပုံစံလေး လုပ်ထားခဲ့ကြပါတယ်။ မနက် ဆွမ်းတော် ကပ်ဖို့ နှင့် ဘုန်းတော်ကြီးကို လှူဖို့ အတွက် ထမနဲလည်း ပါတာပေါ့။ မနက် အာရုဏ်တက်မှာ ကျောင်းထိုင် ဆရာတော်ဘုရားက စောစောထပြီး ထမနဲကပ် မီးပူဇော် လုပ်ပေးပါတယ်။ နောက်ထပ် အလှူတစ်ခုကတော့ ပန့်သကူ ပြစ်တာပါ။ မနက်စောစော ထပြီး ငှက်ပျောဖက်နဲ့ ထုတ်ထားတဲ့ ထမနဲထုတ် ဒါမှမဟုတ်လည်း ပိုက်ဆံတို့ အ၀တ်အစား အသုံးအဆောင်တို့ကို လမ်းဆုံ လမ်းလေးခွမှာ ထားခဲ့တာပါ။ အမေကြီးကတော့ ပိုက်ဆံ ပြစ်ပါတယ်။ ပန့်သကူအလှူပါ ဆိုတဲ့ စာကလေးပါ တွဲပြီး ပြစ်တာပါ။ တွေ့တဲ့သူလည်း စိတ်ချမ်းသာစွာနဲ့ စိတ်ချ လက်ချ သုံးနိုင်အောင်ပါ။ ပါချူးတို့ မနက်မိုးလင်းရင် ပန့်သကူထုတ်တွေ လိုက်ရှာရတာ အမောပဲ။ ပါချူးငယ်ငယ်က အမေကြီး ပြစ်ထားတဲ့ ပံ့သကူထုတ် မရလို့ အမေကြီးကနေ မုန့်ဖိုး ပေးဘူးသေးတယ်။ တပိုတွဲ လပြည့်နေ့မှာ မွန်မြတ်တဲ့ အလှူဒါနတွေ ပေါများပါပေါ့လား ………………
Wednesday, February 4, 2009
အညာ ချဉ်ရေဟင်း
ပါချူးတို့ အညာတစ်ဝိုက်မှာ ဒီအချိန်ဆို နီနီရဲရဲ ပင်လုံးကြွတ် ပွင့်နေတာကို တွေ့လိုက်ရင် လက်ပံပင်တွေလားလို့ ကြည့်ရတာ အမောပါ။ တစ်ပင်လုံးတော့ နီရဲနေတာပဲ အနားကပ်ပြီး ကြည့်လိုက်မှ ပေါက်ပင် ဖြစ်နေပါတယ်။ အော်........ နွေဦးရဲ့ အစကို ရောက်လာပါပေ့ါလား။ ဘယ်နေရာကိုပဲ ကြည့်လိုက် ကြည့်လိုက် ပေါက်ပန်းတွေ နီရဲရဲက နေရာယူထားကြတယ်လေ။ လက်ပံပင်တွေကလည်း ပေါက်ပင်တွေနဲ့ အတူ အပြိုင်ပွင့်နိုင်ဖို့ အဖူးလေးတွေ စီရီပြီး ရှိနေကြပြီ။ တစ်ချို့ အပင်တွေကလည်း အားကျမခံ ကြိုးကြား ပွင့်နေကြပြီပေါ့။ နွေသရုပ်ကို အပီအပြင် ဖေါ်နိုင်ဖို့ အားခဲနေကြပြီလေ။
လက်ပံပွင့်ကို ပါချူး ကြိုက်တယ်။ လက်ပံပွင့်ခြောက်ကို ခရမ်းသီးချောက်နဲ့ ရောချက်တာ၊ ကျိုင်းတုံ မုံ့ဟင်းခါးထဲ ထည့်ချက်တာ၊ ချဉ်ရေဟင်းထဲ ထည့်ချက်တာတွေ အမျိုးစုံ လုပ်စားဖြစ်တယ်။ လက်ပံပွင့်ခြောက်ရဲ့ အနံ့ကို ပါချူးစိတ်ထဲမှာ မွှေးတယ်လို့ ထင်တယ်လေ။ လက်ပံပွင့်ခြောက်မှာ ဦးထုတ်လို့ ခေါ်တဲ့ အပေါ်က ပွင့်ဖတ် အမာလေးကို ပိုကြိုက်တယ်။
ပါချူး ဒီနေ့ဟင်းချက်တဲ့ထဲမှာ လက်ပံခေါင်း၊ ချဉ်ပေါင်ရွက်၊ ဒန့်သလွန်သီး ချဉ်ရေလေး ချက်ဖြစ်တယ်။ တောခရမ်းချဉ်သီးလေး၊ ငပိလေးနဲ့ ချက်တာ မြိန်လှတဲ့ ချဉ်ရေဟင်း တစ်ခွက်ပေါ့ကွယ်။ အညာဟင်းလေး အမှတ်တရ မျှဝေလိုက်တယ်နော်.............
Tuesday, February 3, 2009
Monday, February 2, 2009
ငှက်ပျောဖူးသုတ်
သူငယ်ချင်းတို့ရေ..........
ငှက်ပျောဖူးလေးပါ။ ငှက်ပျောသီး အကုန်ထွက်ပြီး နောက်ထပ် အသီး မကျန်တော့တဲ့ အချိန်ဖြစ်ပါတယ်။ ဒီပုံလေးကို တွေ့လိုက်တော့ ငယ်ငယ်က စားခဲ့ရတဲ့ ငှက်ပျောဖူးသုတ် ကလေးကို သတိရမိတယ်။ ငှက်ပျောဖူးကို ချိုးယူပြီး သုတ်စားကြ၊ ချက်စားကြပါတယ်။ ပါချူးကတော့ သုတ်စားဖြစ်ပါတယ်။ ငှက်ပျောဖူးသုတ်ကလေးကို ပြောပြမယ်နော်..................
ငှက်ပျောဖူးကို အခွံရင့်တွေ ကုန်အောင် ဖယ်လိုက်ပါ။ အတွင်းခွံနုတဲ့ အပိုင်းကျန်ရင် အဖူးကန့်လန့် ပါးပါး လှီးလိုက်ပါ။ အကွင်း အကွင်း ကလေးတွေ ရပါမယ်။ ရေနွေး ပွက်ပွက်ဆူ ထဲကို ထည့်ပြုတ် လိုက်ပါ။ အဖတ်ကလေးတွေ အိလာပြီဆို ဆယ်ပြီး ရေကုန်အောင် ညှစ်ထုတ် ပစ်လိုက်ပါ။ ဆီချက်၊ ဆား၊ သံပုရာသီး၊ မြေပဲဆံထောင်းတို့နဲ့ သုတ်စားလို့ ရပါပြီ။
ပါချူးတို့ ငယ်ငယ်ကတော့ အမေကြီး သုတ်ကြွေးတဲ့ ငှက်ပျောဖူး အစိမ်းသုတ်ကို စားခဲ့ရပါတယ်။ လှီးထားတဲ့ ငှက်ပျောဖူးတွေကို ဆားနဲ့နယ် အဖန်ရည်တွေ ညှစ်ထုတ် ပစ်ရပါတယ်။ နောက် ရေစင်စင်ဆေးပြီး ဆီချက်၊ မြေပဲဆံထောင်းနဲ့ သုတ်ပါတယ်။ အချဉ်သုတ်အတွက် စောင်းယားသီး (ဇောင်းရားသီး)ကို လှီးပြီး ငှက်ပျောဖူးဖတ်တွေနဲ့ နယ်ထားပါတယ်။ ညနေမှာ သုတ်မယ်ဆို မနက်ပိုင်းမှာ နယ်ထားရင် ရပါတယ်။ အခုနေ အမေကြီး ရှိသေးတယ်ဆိုရင် ပါချူးတို့ကို သုတ်ကြွေးဦးမယ်ထင်တယ်။ လွမ်းတယ် အမေကြီးရယ်……..
Saturday, January 31, 2009
စိတ်လွင့်ခြင်း
ဟိုး…. အဝေးကြီးက
ပြာလဲ့လဲ့ ကောင်းကင်မှာ
တိမ်တွေကို ဖမ်းဆုတ်လို့
တွန်းတိုက်ခါ လေပြေနဲ့
အဆုံးမဲ့ စိတ်ကိုလွှတ်ပြီး
ဝေဟင်မှာ လေလွင့်လို့
နှောင်ကြိုးမဲ့ သွားချင်တယ်။
Friday, January 30, 2009
သူငယ်ချင်းတို့ရေ ဒီနေ့ ပါချူး လုပ်စားဖြစ်တဲ့ မုန့်ကလေးပါ။ မုန့်လက်ဆောင်း (မုန်လုတ်ဆောင်း)လို့ ခေါ်ပါတယ်။
Thursday, January 29, 2009
Wednesday, January 28, 2009
ဖေဖေ့ မွေးနေ့
ဖေဖေရေ….. ဒီနေ့မှာ ကျရောက်သော ဖေဖေရဲ့ မွေးနေ့မှသည် နောင်နှစ်ပေါင်း မြောက်များစွာ ………
မေမေနဲ့အတူတူ ပျော်ရွှင်နိုင်ပါစေ။
ဖေဖေရဲ့ လိုအင်ဆန္ဒအပေါင်း အားလုံးပြည့်ပါစေ။
မိသားစုနဲ့ အတူ ပျော်ရွှင်ခြင်းပေါင်း မြောက်များစွာနဲ့ အတူနေနိုင်ပါစေ။
စိတ်၏ချမ်းသာခြင်း ကိုယ်၏ကျန်းမာခြင်းနဲ့ ပြည့်စုံပါစေ။
ဖေဖေရဲ့ မေတ္တာတွေကို သမီးခံယူချင်ပါသေးတယ်။
ဖေဖေ့ကို အချိန်ကြာမြင့်စွာ အလုပ်ကြွေး ပြုစုနိုင်ပါရစေ။
လောကီ လောကုတ္တရာ နှစ်ဖြာသော အကျိုးကို သယ်ပိုးနိုင်ပါစေ။
သမီးမွေးနေ့
ဆောင်းတစ်ခုရဲ့ နံနက်ခင်း
လူကလေးတစ်ယောက် လောကထဲရောက်ဖို့
နာကျင်စွာ ကြိုးစားနေရရှာတဲ့
မလေးချစ်တဲ့ သမီးမေမေ။
စိုးရိမ်စိတ်တွေ ရင်မှာပိုက်
ဣိတိပိသော နှုတ်တိုက်ရွတ်
အခန်းရှေ့ ဘယ်ညာလျှောက်နေတဲ့
မလေးချစ်တဲ့ သမီးဖေဖေ။
သာယာတဲ့ နံနက်ခင်း
ကြိုဆိုနေတဲ့ လောကကြီးကို
မင်္ဂလာအပေါင်း ခညောင်းပါကြောင်း
အူဝဲဆိုတဲ့ နှုတ်ဆက်သံ။
မောပန်းတဲ့ မေမေ့ရင်နဲ့
စိုးရိမ်တဲ့ ဖေဖေ့စိတ်ကို
အေးငြိမ်းအောင် အသံပေးခဲ့တာ
ဒီနေ့ဆို နှစ်ပါတ်လည်ပေါ့။
နောင်လာမည့် နှစ်ပေါင်းများစွာ
သမီးအတွက် စိုးရိမ်သောက
ရင်မှာမောပန်း ပင်ပန်းမှုအပေါင်း
မြူတစ်မှုံမျှ မရှိရအောင်
လိမ္မာစွာ ဆတိုးလို့ နေပါ့မည်။
မိဘရဲ့ မေတ္တာအပေါင်း
ဦးထိပ်တင် ရင်မှာပိုက်ပြီး
ကျေးဇူးတော် ဂုဏ်တော်အနန္တကို
သမီးမလေး ဒီနေရာမှ
ဝန်ချကန်တော့ ရှိခိုးလိုက်ပါတယ်
ဖေဖေနဲ့ မေမေ။
Friday, January 23, 2009
ရင်ဆိုင်မယ်
မမြင်နိုင်တဲ့ အခက်အခဲ
ဘယ်အချိန်မှာ ဘယ်လိုများကျရောက်
စိတ်တထင့်ထင့် စိုးရိမ်စိတ်ကြောင့်
ရင်ဆိုင်နိုင်ရန် အားကြိုမွေးလို့
စိန်ခေါ်ဘို့ မာန်ကိုတင်း
လာစမ်းဟဲ့ ဒုက္ခ
အဖေါ်တွေပါ ခေါ်လာခဲ့
ပြေးတွေ့ဘို့ အဆင်သင့်။
Friday, January 9, 2009
ကွက်လပ်
နှုတ်ကဖွင့်ဟ ပြောလိုက်ချင်တဲ့
သမီးမလေး။
အောင်မြင်ခဲ့တဲ့ ၀မ်းသာမှုကို
ပထမဆုံး မျှဝေခံစား တမ်းတမိတဲ့
သမီးမလေး။
အခက်အခဲရှိလို့ တိုင်ပင်ရအောင်
လှမ်းလို့တမ်းတ သတိရမိတဲ့
သမီးမလေး။
မိဘကိုမှ တမ်းတမိတာ
တစိမ့်စိမ့်တွေး တောင့်တခဲ့မိ
သမီးမလေး သိလိုက်ရတဲ့
ငတ်လို့မပြေ သောက်မပြေတဲ့
အချိန်တိုင်းမှာ လိုအပ်နေတာ
သမီးမလေးရဲ့ မိဘမေတ္တာ။
Saturday, January 3, 2009
အနှောင့်ယှက်
ဇီးကွက် ဇီးကွက် အော်မြည်သံက
အိပ်တန်းတက်မယ် နှုတ်ဆက်သံ။
စာကလေးတွေ ကျလိကျလိ
နိုးထနေပြီ ရက်သစ်တစ်ခုရဲ့
မင်္ဂလာပါ နှုတ်ဆက်သံ။
ရွှေကျည်းလေးရေ တအာအာနဲ့
ဧည့်သည်လာပေါ့ လာပါပေါ့လို့
ကြိုဆိုနေတဲ့ အသံလေး။
ခွေးလေးဘော်ဘီ တအီအီနဲ့
သခင်အိပ်ယာ ထချိန်ရောက်ပြီ
သတိပေးတဲ့ နှုတ်ခွန်းဆက်။
နေ့ခင်းနေ့လည် ထမင်းစားချိန်
ယောက်ဖခွေးခေါ် အသံလေးက
ထမင်းမြိန်လား စားကောင်းလား
မေးနေသလို အသံလေး။
ညခင်းမှောင်ရီ ပျိုးနေချိန်မှာ
ကျိကျိ ကျိကျိ နှုတ်ဆက်နေတဲ့
ကြက်တူရွေးတို့ အိပ်တန်းပြန်။
တစ်နေ့လည်လုံး မအားရအောင်
စိတ်ရောလူရော လုံးပန်းနေလည်း
ပျော်ရွှင်ကြည်နူး မပင်ပန်းခဲ့။
မီးကိုပိတ်လို့ စောင်ခေါင်းမူးခြုံ
စိတ်ကိုလျှော့လို့ အနားယူစဉ်
ဂျစ်ဂျစ် ဂျစ်ဂျစ် အသံတွေက
ဟိုမှသည်မှ ထွက်ပေါ်လာရာ
အိပ်လို့မရ ထွက်ရှာမှပဲ
တွေ့ပါပြီလေ ဒင်းကလေးကို
ဟိုမှာ......... ဒီ ကြွက်စုတ်။
Thursday, January 1, 2009
ကြိုဆိုပါတယ် 2009
နှစ်သစ်ကြီး 2009 ရေ ပျော်ရွှင်လှိုက်လှဲစွာ ကြိုဆိုပါတယ်ရှင်။ အငယ်လေး 2008 မှာ ရှိခဲ့တဲ့ ၀မ်းနဲ ကြေကွဲမှု၊ စိတ်ပင်ပန်း လူပင်ပန်းမှု၊ အားငယ် သေးသိမ်မှုတွေ အားလုံးကို ထားခဲ့ပြီး အစ်ကိုသစ်ကြီး 2009 မှာ ပျော်ရွှင်မှု၊ တက်ကြွှမှုတွေကို ယုံကြည်မှု အပြည့်နဲ့ သယ်ဆောင်ပြီး ရည်မှန်းချက် ဘ၀ခရီးလမ်းကို လျှောက်ကြရအောင်.............
